1. kafli: Upphaf ferðar og Atlantsálar
5. janúar: Flogið til London og gist þar eina nótt.
6. janúar: Ekið til Southampton og gist eina nótt.
7. janúar: Lagt af stað í siglinguna.
1. nóttin var í lagi en strax næsta dag byrjaði að hvessa og fór vindhraði mest upp í ca. 25 m/s. Siglt var til suðvesturs með stefnu á Azoreyjar.
Höfnin í Southampton séð frá Commodore Club 
Þegar við komum í klefann beið okkar kampavín.
Fyrsta (en ekki síðasta) kvöldmáltíðin í Britannia Restaurant.
10. janúar: Ponta Delgada Bætt við vegna þess að skipstjórinn ákvað að sleppa Hamilton vegna veðurs. Stoppað í hálfan dag, smökkuðum bjór innfæddra og tókum nokkrar myndir. Snyrtilegur bær.
Azoreyjar í baksýn
Eyja vildi endilega taka mynd af kaþólskri kirkju í Ponta Delgada
Horft yfir höfnina, drottningin í baksýn
Borgarhliðið
Jólastjörnur á götuveitingastað
Götumynstur í Ponto Delgada, túristaskalli í forgrunni
Slakað á við höfnina.
Það er víðar hvalaskoðun en á Húsavík
Hrepptum áfram slæmt veður frá Azoreyjum til New York. Yfirleitt náði vindurinn stormstyrk og öldugangur eftir því. Þó var ágætis veður einn dag með hita um 18 stig. Þrátt fyrir veðrið var slakað vel á:
(14. janúar átti að stoppa í Hamilton en var sleppt vegna veðurs)