Aðsent og aðfengið efni

Waters, R.:

Opið bréf til Bon Jovi vegna ákvörðunar hins síðarnefnda að spila í Ísrael

Þórarinn Hjartarson:
Heimsvaldakerfið-ESB-Ísland
Fjármálavæðingin á Íslandi

Pistill frá Elíasi Davíðssyni

Það er í besta lagi að gagnrýna Halldór Ásgrímsson fyrir að fylgja stefnu Bandaríkjanna í Írak.   Til þess þarf ekki sérstaka gáfu né mikið hugrekki. Þeir sem enn styðja innrásina í Írak eru ekki með öllum mjalla.
Annað gegnir um það að þegja yfir stuðningi Halldórs og Davíðs Oddssonar við stríðsglæpi, nánar tiltekið aðild þeirra að ákvörðun á fundi NATÓ-leiðtoga 23. apríl 1999 í Washington, þar sem lögð var blessun yfir árásum á fjölmiðla í Serbíu. Ákvörðunin var tekin samhljóða, þ.e. með samþykki Davíðs og Halldórs.   Það liggur í augum uppi að fjölmiðlar eru ekki hernaðarleg skotmörk. Árásin á sjónvarpsstöðina í Belgrad var ekki heldur réttlætt með því að stöðin væri hernaðarvirki, heldur að hún stundaði áróður sem NATÓ mislíkaði.   Með þessum rökum er veitt Írökum og Afghönum heimild til að drepa starfsmenn RÚV, Mbl. og annarra fjölmiðla sem stunda áróður í þágu stríðs gegn þessum þjóðum.
Hvorugur ofangreindra ráðherra greindi Alþingi frá aðild sinni að þessari ákvörðun. Greinilega áttu Íslendingar ekki að vita um hana. Sama dag og ákvörðunin var tekin réðust flugvélar NATÓ á sjónvarpsstöðina í Belgrad án viðvörunar og drápu 16 starfsmenn stöðvarinnar. Árásin var gerð með blessun Davíðs Oddssonar og Halldórs Ásgrímssonar, sem bera skv. ákvæðum Genfarsáttmálanna og Fyrsta Viðauka þeirra frá 1977, samábyrgð á stríðsglæpum.    Það er sorglegt að enginn Alþingismaður hafi séð ástæðu til að spyrjast um þetta mál, hvað þá að krefjast lögsóknar gegn þeim sem heimila morð á saklausu fólki.
Almennir borgarar geta ekki treyst stjórnmálamönnum sem taka þátt í stríðsglæpum né þeim sem veigra sér að kanna málið til hlítar eða hylma yfir stríðsglæpum.   Þótt fjölmiðlar stunda í auknum mæli þagnarsamsæri í þessu máli sem og í öðrum þýðingarmiklum málum, mun sannleikurinn koma í ljós, fyrr eða síðar, og þeir sem hafa tekið þátt í hylmingum munu gjalda þess.

Skrifað skömmu eftir innrásina í Írak.

Til baka á brl.is

Aðsent og aðfengið efni

Ásta Svavarsdóttir:

Einar Ólafsson:

Fleming, E:

Guðmundur Beck:

Ólafur Þ. Jónsson:

Ragnar Stefánsson:

Sölvi Jónsson:

Waters, R.:

Þórarinn Hjartarson:

Pistill frá Elíasi Davíðssyni