Hér eru nokkur gömul spil, sem spiluð voru í Bridgefélagi Húsavíkur:
Spil frá hraðsveitakeppni:N/Allir ♠ Á K 2
♥ 9
♦ Á K G 8 7 3
♣ Á 8 3
♠ G 9 4 3 ♠ D 10 8 7 6 5
♥ 6 5 3 ♥ D G 8
♦ 10 9 2 ♦ D
♣ K G 9 ♣ 10 6 2
♠
-
♥ Á K 10 7 4 2
♦ 6 5 4
♣ D 7 5 4
Eins og sjá má standa bæði 6 hjörtu og 6 tíglar á hendur NS en tíglarnir eru þó hinn eðlilegi samningur. Á a.m.k. einu borði voru spiluð 6 grönd í suður en sá samningur er dauðadæmdur ef ekki kemur út lauf. Á öðru borði var opnað á sterku laufi í norður og austur hindrunarsagði 3 spaða. Lokasamningurinn varð 7 tíglar sem unnust óverðskuldað vegna varnarmistaka. Útspilið var lúmskur hjartagosi, drepið á ás og tígli spilað á ás. Spaðatvistur trompaður, hjartakóngur tekinn (áttan frá austri) og laufi hent. Nú var hjartatvistur trompaður, spaðakóngur trompaður með síðasta trompi blinds og hjartafjarka spilað. Vestur gleymdi að trompa og þar með fór síðasti tapslagurinn. Eftir spilið spurði sár austur sagnhafa hvers vegna hann hefði ekki trompsvínað hjartanu eftir að hafa tekið hjartakóng. Góð spurning og við henni er svo sem ekkert svar - ef maður treystir útspilinu. Í fyrsta lagi þá er trompútspil sjálfvirkt gegn alslemmu nema maður hafi mjög góðar ástæður til annars. Í öðru lagi, þá gat útspilið sviðið hugsanlegan kóng af makker og í þriðja lagi: Hver spilar út frá Gx gegn alslemmu með einspil í trompi og litla sem enga slagsvon í eigin hindrunarlit?
V/AV ♠ 5 3
(áttum snúið) ♥ K D 10 8
♦ Á D G 6
♣ Á 10 8
♠ Á 4
♠ D 10 8
♥ G 7 5 4 ♥ 3
♦ K 10 9 5 ♦ 8 7 3 2
♣ D 9 4 ♣ K G 7 6 5
♠ K G 9
7 6 2
♥ Á 9 6 2
♦ 4
♣ 3 2
Sama umferð, sömu andstæðingar en austrið núna í vestrinu. Á flestum borðum voru spiluð 4 hjörtu í suður, sem töpuðust alls staðar. Á mínu borði kom sami andstæðingur og í fyrra spili út með tígultíu! Ég lét ásinn, spilaði hjarta á ás og aftur á kóng og sá leguna. Þá henti ég laufi í tíguldrottningu, vestur drap og spilaði sig út á tígli. Ég drap, henti spaða og spilaði spaða úr blindum. Austur lét áttuna, ég gosann og vestur hugsaði sig um dágóða stund áður en hann lét fjarkann. Nú spilaði ég laufi á ás og seinni spaðanum úr blindum. Austur lét tíuna, ég dúkkaði og vestur drap:
V/AV ♠
(áttum snúið) ♥ D 10
♦ 6
♣ 10 8
♠
♠ D
♥ G 7 ♥
♦ 9 ♦ 8
♣ D 9 ♣ K G 7
♠ K 9 7
♥ 9 6
♦
♣
Í þessari stöðu sjá "glöggir"
lesendur að sagnhafi ætti að fá 4 slagi
í viðbót með víxltrompun auk þess
sem spaðinn er orðinn frír heima. Mér brá
því ekki lítið þegar vestur lagði
trompsjöuna á borðið. Einn niður.
Á mörgum borðum var sagnhafi tvo niður, þannig
að í bili var ég "sáttur"
við niðurstöðuna en þó fannst mér
að eitthvað hefði farið fram hjá mér.
Og þegar maður hugsar um það er það
einfalt. Þegar maður er með "pottþétt"
spil á maður að hugsa um hvað getur farið
úrskeiðis og hvað er hægt að gera við
því. Í þessu spili getur slæm
tromplega sett strik í reikninginn og lausnin við
því er sú gamla góða: Að fría
fyrst hliðarlitinn. Prófum það: Tígulás
í fyrsta slag og lítill spaði á gosa.
Segjum að vestur dúkki. Þá er litlum
spaða spilað að heiman og vestur er inni á
ásinn. Hvað á hann að gera? Hjarta yrði
hleypt heim, tvö tromp tekin í viðbót
og spaðakóng spilað. Þá er tromp
eftir heima til að taka fríspaðana. Lítill
tígull yrði drepinn í blindum, trompi spilað
þrisvar og svo spaðakóng með sama árangri.
Lauf yrði drepið á ás, tíguldrottningu
spilað og laufi hent heima. Síðan má víxltrompa.
Og að lokum tígulkóngur frá vestri yrði
trompaður, laufi spilað á ás og laufi hent
í tígul. Þá er aftur komin upp víxltrompstaða.
Bridge er einfalt spil ef maður nennir að hugsa um það.
Hér er spil frá jólatvímenningi (áttum snúið):
♠ K G 9 8 2
♥ 6 5
♦ G 8
♣ D 8 5 3
♠ 10 7 6 4
♠ Á
♥ G 10 8 ♥ K 7 4 3
♦ D 3 2 ♦ 10 7 5 4
♣ K 6 4 ♣ 10 9 7 2
♠ D 5 3
♥ Á D 9 2
♦ Á K 9 6
♣ Á G
Samningur: 4 spaðar í suður, útspil hjartagosi. Suður tekur kóng austurs með ás og spilar spaða á kóng og ás austurs, sem spilar hjarta til baka. Suður drepur, tekur spaðadrottningu, svínar spaðaníu og tekur síðasta tromp vesturs með gosanum. Nú er laufagosa svínað, vestur drepur og spilar hjarta sem sagnhafi verður að trompa í blindum. Lauf á ás og staðan er:
♠
♥
♦ G 8
♣ D 8
♠
♠
♥
♥
♦ D 3 2 ♦ 10 7 5
♣ 6
♣ 10
♠
♥
♦ Á K 9 6
♣
Í þessari stöðu spilaði sagnhafi litlum tígli, vestur drap og spilaði laufi(?), þannig að suður átti rest. Ef vestur spilar tígli áfram fær suður einnig restina af því að tígullinn fellur. Mistökin liggja hjá austri að kasta tígli í spaða vegna þess hvernig sagnhafi spilaði spilið. Besta spilamennskan er náttúrlega að sleppa laufasvíningunni og spila laufaás og gosa snemma í spilinu. Þá er leiðin greið að laufadrottningunni.
Spil úr bikarleik:
S/NS ♠ G 6 2
(áttum snúið) ♥ D G 5 4
♦ G 10 2
♣ 10 9 6
♠ 10 8 7 5 ♠ K 9 4
♥ 7 3 2 ♥ 10 6
♦ D 9 7 6 ♦ Á 8 3
♣ 8 4 ♣ K D 7 3 2
♠ Á D 3
♥ Á K 9 8
♦ K 5 4
♣ Á G 5
Suður er sagnhafi í 3 gröndum eftir að austur hefur sagt frá laufinu. Útspilið er laufátta, lítið, lítið og gosi. Hjarta á gosann og tígulgosa svínað. Vestur drepur, spilar laufi og suður er einn niður. Hvar liggja mistökin? Allavega ekki í spilamennsku sagnhafa í lauflitnum því ef hann leggur níuna á áttuna dúkkar austur einfaldlega. Nei, eftir sagnir á að vera tiltölulega einfalt að spila tígli á kóng því að austur hlýtur að eiga ásinn.
V/NS ♠ Á 9 7 4
♥ G 10 9 8 7 6
♦ D 8 3
♣ -
♠ D G 10 8 3 2 ♠ K
♥ - ♥ K D 5 4
♦ K 7 6 ♦ Á G10 4 2
♣ G 8 7 6 ♣ 10 4 3
♠ 6 5
♥ Á 3 2
♦ 9 5
♣ Á K D 9 5 2
Vestur opnar á veikum 2 spöðum, þú passar og austur segir 3 tígla. Pass til þín. Ætlarðu að segja 3 hjörtu í verndarstöðunni? Við borðið voru 3 tíglar passaðir út. Þeir fóru 1 niður, sem gaf sveit Óla 13 IMPa þar sem hinum megin voru spilaðir 2 spaðar doblaðir unnir með yfirslag. Ef norður segir 3 hjörtu fer suður líklega í 4. Þau eru beint niður með tígli út en líklega kemur austur út með kónginn í lit makkers. Norður verður að drepa og spila hjarta. Austur leggur á og blindur á slaginn á ás. Nú koma 3 efstu í laufi og þremur tíglum kastað heima. Þá er 4. laufinu spilað og spaða hent heima. Vestur er inni og verður að spila spaða og á þann slag líka. Þá kemur þriðji spaðinn frá vestri og nú getur austur trompað með smátrompi! Ef við skiptum á hundunum hjá suðri og austri standa 4 hjörtu!